نكت محششين 3

مرة واحد بيعاكس واحدة سودة

قالها ايوة انتى ياكاكولا تفت فى وشه راح قالها وكمان بتفورى
************************************************** ********************
سألوا مصرى ليه الشعب المصرى يحلف كثير؟

قال طب و الله العظيم دى أشاعه قسماََ بالله إفترى على الطلاق بالثلاثه كدابين
************************************************** ********************
استضافو ابو العربى فى برنامج من سيربح المليون فسأله جورج سؤال المليون و كان السؤال الحج فريضة ام سنة فاندهش ابو العربى

و قاله هاستعين بصديق ابن عمى غريب فى بورسعيد فقاله السؤال قاله اللى سألك السؤال ده مش فاهم حاجة فسأله ابو العربى ليه قاله لأن الحج اما قرعة ياما سياحى
************************************************** *********************************
5 فروق بين البطة والوزة 1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها
************************************************** ***********************************
واحد بلدياتنا كان ماشى في الشارع و حاطط على كتفه تمساح

شافه ظابط قاله ايه يا راجل يامجنون امشى وديه جنينه الحيوانات ,, وتانى يوم شافه الظابط تانى ماشى و على كتفه التمساح " قاله يا راجل يا مجنون مش قلت لك وديه جنينه الحيوانات " رد عليه " ما انا وديته امبارح جنينه الحيوانات و النهارده ها وديه الهرم
************************************************** ***************
لاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش
************************************************** ************************************
صعيدي حب يطور الهليكوبتر

ركب بدل المروحه تكييف
************************************************** ************************************

مرة اتنين مساطيل حبوا يزوروا فلوس فزوروا

ورق كتييييييييييييييير كل ورقه ب تمنتاشر جنيه راحوا لواحد مسطول قالوا له معاك فكة تمنتاشر قالة تاخد تسعتين
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!


مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو


واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون




واحد مسطول سطيـــــــــــــــحه .. دخل امتحان عربي ... جاتله في
الورقه :

أعرب الجملة الاتية:
1- ( سور الصين العظيم )

اخينا تنح شويه ... وبعدين راح قايل ....


اجابة ( سور الصين العظيم )


سور : هو البتاع اللي بينط من فوقه الحرامي عشان يخش البيوت ويسرق
الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه
العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب
يم : تقريبا والله أعلم ... بحر او حاجه كده
يعني الجمله كلها معناها -----
لما ينط حرامي من فوق سور ... عشان يسرق طقم صيني .... الكلب هايعضه .. في البحر